各位觀眾,蜘蛛股俠!

2017年女士心目中「男人最性感部位」 調查中,首三位為腹肌、肩膀及後背肌。甚麼?竟然冇屁股!?族長唔會話你知最鍾意J男人邊度,但美股絕對係亮點之一。當族長嘗試搵「美股」J圖時,只會搵到美股急挫、美股恐易跌難升、頂盡有美股回穩,睇嚟族群活動真係走在尖端,前無股人啊!

為咗一眾臭味相投嘅族女性福,#皮系女巫 族長決定喺月黑風高嘅晚上舉行👻 當鹹濕鬼遇上屎忽鬼 👻,令大家親手感受「美股反彈造好」,用支畫筆探索呢個最 gender-free 嘅性(感)器官。

族長介紹完「屎忽鬼」同參考圖案,女生就動筆了!

男股第一次參與族群活動就露屎忽,表示超緊張又期待

點為之 gender-free?若果蒙著你雙眼,你分唔分到男股定女股先? 好似今次呢五隻「屎忽鬼」,「鹹濕鬼」都紛紛讚好係優質男股,高矮肥瘦腹肌腩仔黑白樣樣齊,大部分人都係來 (被族長) 破處的:第一次被畫屁股,第一次畫人屁股。一試,就愛上了。

蜘蛛俠出招!

「撞鬼咩!其實屎忽又有咩好畫喎?」

有人問點解咁重口味,你不如問點解有人用七彩油漆塗上巴西龜殼,慢性毒死啲「油漆龜」咁變態好過啦! 族長表示,龜頭係用嚟錫嘅。所謂「生命滿奢望,臀路由你創」,識畫就梗係用無毒彩繪畫屎忽,每一口 #臀肉南瓜包 都有獨特嘅形狀、大細、線條、顏色、光滑度、肌肉度,你想 #去性化 純粹當佢畫布又得,你想全程挑逗對方都得,咁盞鬼嘅肌膚之親去邊度搵?

「鹹濕鬼」川島芳子一眼就睇中呢隻六呎高嘅「屎忽鬼」

川島芳子與「蜘蛛股俠」夾到手指尾

「鹹濕鬼」川島芳子細心呵護「蜘蛛股俠」

「鹹濕鬼」掃鬼後感

好玩,新鮮,上癮,全程笑聲笑聲。

川島芳子「我真係唔識畫畫,報名的時候完全只係為咗睇股。活動當日開始驚驚因為真係唔知畫乜好,後來決定畫自己最愛的spiderman。開頭唔知點落筆,後來越來越興奮,見到男股/身咁正,最後忍唔住畫埋上背脊,然後… 就被電暈咗啦。完。」

鹹濕鬼T「我會覺得一個優質股好緊要,族長精心挑選的男模,個股黑黑實充滿陽光氣息,肌肉紮實又圓渾又彈手,令到整個圖畫立即呈現3D效果,咁大個女人生首次嘗試人體彩繪,實在令人愛不釋手。😆😆😆

鹹濕鬼T對黑實股一見鍾情

「屎忽鬼」你你你快跪下,引死人啦

「鹹濕鬼」佳佳將自己畫埋上男背,笑到噴飯!

「鹹濕鬼」佳佳嘅大作好有意境,睇得明嗎?

「屎忽鬼」撞鬼後感

「好緊張,feel到支筆凍凍地撩埋嚟,啲毛撩到好痕,有啲位特別痕。」

「好神秘,唔知自己個股發生緊咩事,淨係見到其他股但見唔到自己個股。聽住女生一路畫一路大笑,但估唔到畫緊咩,真係好想知好期待。」

「被兩位女生同時畫,左右屁股原來會feel到筆觸好唔同。」

「屎忽鬼」嘅美股比所有女生的都要堅挺!

引到隔離隻「屎忽鬼」都要抽水了

男股互相欣賞時,被偷拍到笑到噴屎嘅一幕!

你鍾意可愛南瓜定邪惡南瓜?

感謝美畫股大師

年輕畫家Hernokes Amon 海諾本身係族人,傾傾吓族長就順勢邀請埋嚟教大家基本技巧,連海諾都係第一次畫屎忽咋!美媚表示好好玩,好新鮮,仲好叻咁畫到兩幅,一股兩用真抵玩!

其實畫功都係其次,好多謝海諾鼓勵到零經驗嘅女生們去勇氣嘗試,左右腦並用大膽創作。不怕錯,只要試,唔靚咪抹咗再嚟過囉,男股與妳常在。

年輕畫家 Hernokes Amon 海諾親筆示範

「畫股大師」海諾第二幅南瓜仔

為男模股膜以示感謝支持

現場聽得最多嘅說話係「咪郁」,好笑之外,男股企足粒幾鐘毫無怨言都咪話唔辛苦,族長當然要賜償。非常嗚謝友好性小眾平台 Bubble Air 獨家贊助總值 $700 嘅馬來西亞 Bubble Bum 俾參加者試敷pat pat。

台灣製造,獨特的鎖定技術有效地保濕、撫平和塑造「後方」皮膚。內含50毫升精華液,解決三大肌膚問題:蠟黃暗沉、妊娠橘皮、乾燥粗糙。完美貼身設計方便躺著或站立使用, 建議每星期使用2至3次。

Bubble Air 獨家贊助 Bubble Bum 俾族人敷 pat pat

北極紅藻
✔活性成份有效增加皮膚抵抗力,提升肌膚更新、癒合率,掃蕩暗黃,晶透明亮。

維生素B3+植物萃取角鯊烷
✔維生素B3迅速滲入肌膚,擊潰鬆垮,緊紋膨彈,讓肌膚回復青春有氧。

六胜肽+紫草提取物
✔舒緩抗炎,預防斑點,增進創傷肌細胞修復,有效撫平皺紋,預防鬆弛老化。

超微玻尿酸+白茅萃取物
✔深層水潤肌膚,使肌膚豐盈彈性,煥發水感光澤。

平台仲有網店及節目 (包括族長的節目),族長特別喜歡其「Mean精Tee」系列。

Bubble Bum 獨特的鎖定技術有效地保濕、撫平和塑造「後方」皮膚

#族長送禮

只要在 facebook 分享此文章 (設定為公開),並在帖子 tag 兩位朋友,邀請對方讚好 Good MoaningBubble Air,就有機會獲得總值 $260 的 Bubble Bum「股膜」兩片。

#族長有感

細有細可愛,大有大好畫,族長揀唔到最鍾意邊個「股神」添。今次有曾經做過裸模嘅肥叔叔同女仔朋友一齊報名,族長表示好 sweet 好有 guts!上次族長第一次見到認識多年嘅肥仔朋友剝光豬,掩面尷笑到噴血。

希望今次 Good Moaning 萬性節活動鼓勵到大家多多探索身體嘅可能性,亦好好把握歡度每一個節日,發揮黃控創意,讓「挑起情慾」靈感成為生活中嘅普通一環,唔係上到床先交前戲嘅。

中間嘅黑蜘蛛實在耐人尋味

識得揀梗係揀大股畫

方型股可以畫成幅畫添

樹枝有隻雌性黐線蜘蛛條蜘蛛絲黐住枝樹枝嘅蜘蛛

川島芳子當場被「蜘蛛股俠」電暈了

其實11月1日先係鬼節  #男股分享冷知識

兩千多年前,歐洲的天主教會把11月1日定為「天下聖徒之日」 (All Hallow’s Day) ,Hallow 為聖徒之意。而 Halloween 就是 All Hallow Eve 的縮寫,是指亡靈節的前夕 (記得 Pixar 電影《玩轉極樂園》以墨西哥亡靈節會故事背景嗎?)。歐洲傳統上認為萬聖節是鬼魂世界最接近人間的時間,因此10月31日是一年中最鬧鬼的時候,吸血鬼、僵屍、女巫、科學怪人紛紛出動。

從未試過咁想食南瓜

過往活動:
《人月兩臀圓》賞月小聚
《誘啲股畫蛋蛋日》

想參與下次活動?歡迎留言/電郵我們,下次優先通知你。喜歡睇嗎?記得拉下按5次拍手,多多分享文章,以支持「小族長大棒棒基金」!