每個人都值得擁有一個偉大的愛情故事?收到《抱抱我的初戀》(Love, Simon) 電影宣傳句 “Everyone Deserves A Great Love Story”,族長第一個反應:嘩~ 做乜同族群句 “Every Girl Deserves A Good moaning” 咁似?睇睇美國原片宣傳,原來係英雄所見略同!「清新感人彩虹青春戀曲」+ 咁 sweet 嘅戲名,暗黑系族長一般有啲抗拒,但睇過優先場發現 never judge a HK movie by its Chinese name!

世界上沒有人知道 Simon 喜歡男生,而他的對象竟是一個素未謀面的校園網友!Simon 為找出真身,家人朋友關係備受考驗,最後 Simon 可否找到自己的初戀故事呢?

❤ 戲名入屋,無懼攣直標籤
族長會推介呢套易入口小品俾少少恐同而又願意踏出第一步去輕鬆了解吓同性戀嘅朋友仔:母親節帶媽媽去睇 / 邀請一個疑似同志而又唔敢向你 come out 嘅朋友仔,都係開口前唔錯嘅試水溫方法,俾攣人感受到你樂意成為 LGBT ally 嘅心意。所以戲名咁入屋係有助大家無懼標籤嘅!

❤ 代入同志笑中有淚的生活場境
攣人有幾唔易做?吓吓講奮鬥革命唔係人人杯茶,呢套「競猜網友是誰」係幾有追看性的,小品得嚟又幾有時間性,紀錄住 21 世紀社交媒體大大改變咗性小眾嘅生活模式。最真摰嘅交流,竟然可以喺虛擬嘅電郵世界發生,或者不論性向,每個人都需要一個最熟悉的陌生人。

族長比較難忘,係異性戀者代入「向父母 come out」嘅一幕,父母聽到自己個女鍾意男仔 / 個仔識咗女朋友幾大打擊要祈禱乜乜拯救對方,好好笑又好諷刺,確有點戚戚然,做直人從來都冇呢種掙扎。

❤ 族長倒抽一口長氣 (劇透)
作為同志家人,同時有恐同親友,眼見電影結局有 (咁索嘅) 父母支持,實在係烏托邦,族長接受現實到唔需要用紙巾。另,見到 PrideLab.hk 寫有得睇 Katherine Langford 好開心,而我係見到 Jennifer Garner 而心心眼,睇《Alias》大嘅族長表示‥‥ 冇嘢喇。另另,I really have a thing for HOT DADDY! And Josh Duhamel . and Garner are really cute together! I’m happy to be the sandwich! And yes, Miles Heizer as Cal Price is really cute too ^^

=================================
20th Century Fox預告片

故事大綱:每個人都值得擁有一個偉大的愛情故事,但是對17歲的高中生 Simon 來說,這一切卻是超複雜的事:一、世間上沒有人知道他是喜歡男生;二、他愛上了有同樣困擾的網友卻全無頭緒對方是誰。為了解決以上兩大苦惱,Simon 決定把答案追尋到底,當中更碰釘被迫告白出櫃,家人朋友關係備受考驗;唯他沒料到,最後得到的結果改寫了自己青春以至人生!Simon 最終又能找到親愛的初戀嗎?

你不需付出任何金錢,按 5 次拍手就能支持小族長大棒棒基金。如登記 LikeCoin ID 再拍手,基金收入將會更豐厚。