【Sweaty Saturday】令性事唔再係禁忌?除咗講,可以點實行先?等族長扯行皮鞭,同大家重溫《BDSM初體驗:族長的五十道鞭痕》嘅溫馨片段,教妳袋住「ABC錦囊」同啪ner 試玩!

女生無懼色情 ❤ be ACTIVE
擁有20年 BDSM 經驗嘅導師 Tommy 仔有咩未見過?有,原來活躍於同志界嘅佢唔知香港女仔咁抑壓,又苦無門路試探情慾!族長何嘗唔係近幾年先開發自己個沙漠!所以 RULE NO.1:濕地係要主動開拓嘅!一切由最性感嘅器官 - 腦袋 - 開始,想人改變不如先調整自己,族長鼓勵女生落場前透過自慰、睇 BDSM 咸片*、微調情去觀察自己身體嘅反應,了解心深處嘅慾望,然後學習擁抱最真實最自在嘅妳。

坦蕩溝通性好 ❤ be BOLD
身體大膽之前,其實更需要訓練內在勇氣,大膽承認並講出自己嘅性喜好。女仔最恐懼嘅唔(止)係裸露身體,更驚嘅係我坦露最淫蕩嘅一面,例如 come out 我喜歡扮狗嘅”癖好”,然後你唔愛我/批判我/取笑我變態!一齊睇戲、分享新聞、鏡子遊戲^,都係一啲初階嘅試水溫妙法。

一個尊重自己、耐心聆聽、能夠良好溝通嘅 partner 非常重要!支持多元關係嘅族長表示,「相處」從來比「名份」重要,與其忍受一個強姦妳嘅伴侶,不如游出海發掘寵愛妳嘅床伴s。

鼓勵探索實戰 ❤ be CURIOUS
主動了解自己,坦白與人分享,之後就小心落場實踐喇。識得用,男奴其實好好用!感激男奴無私奉獻讓慾女一嚐可口肉體,更重要係擔任人肉教材,配合 Tommy 仔示範實用溝通技巧,俾族人學習如何達到 consent 而不失情趣和霸氣!

族長最大嘅得著:BDSM 不但唔係睇戲嗰種物化同傷害對方,而係非常信任同重視雙方嘅靈慾交流。性事溝通唔係淨係靠把口,身體語言先係最致命式挑逗。唔明?所以叫妳去試囉!😁

❤ 約定妳再開班!
好感恩今次初體驗真正令族人 Change Your View,BDSM 唔係想像中咁可怕,仲好搞笑添!記住,訂立堅定價值觀,清楚自己嘅需要、期望同底線,先可以玩得夠放,真正自主情慾!賺咗定蝕咗?妳以後心裡面就會好清楚。

❤ 合作伙伴 (咁啱都係 LGBT 好友 😁)

🌈 鳴謝香港彩虹 Rainbow of Hong Kong 贊助場地支持 Good Moaning 遊牧民族。

🌈 辛苦 PrideLab.hk 出盡奶力拍攝,收錄族長嘅呻吟慘叫,讓族人更新鈴聲,為將來出碟舖路。

🌈 感激 For Girls By Girls 嘅情趣用品店主 Les’Play HK 贊助產品,用心選貨,性價比高。

~~~~~~~~~~~~~~~~~~~~~~~~~~~~~
族長,我想知多啲!

* 族長推介瑞典導演 Erika Lust Films 的唯美系列,收集全球女性所投稿的性幻想,拍出女生最有代入感的性歡愉

^ 輪流模仿床伴的動作,增加觀察力亦可試探對方的喜好、天份和底線
https://funstudynest.pixnet.net/blog/post/221834359-【20170217活力動動-鏡子遊戲】

” 關於BDSM:格雷沒告訴你的25道陰影…
www.thenewslens.com/article/13210

你不需付出任何金錢,按 5 次拍手就能支持小族長大棒棒基金。如登記 LikeCoin ID 再拍手,基金收入將會更豐厚。