【溫哥華全面探索情慾之旅】今次跟著族長去旅行,真係最將族群放喺心嘅一次。點解?因為太掛住族人… 就奇啦!😝 係多謝 Elvie 收陰機 *獨家包起族長就真!主動課金小族長大棒棒基金進行特瞓… 身探索陰道的事,得以加國文化刺激吓族長嘅腦部+陰部,帶返嚟香港 empower 沉淪慾海過四千族人!

【溫哥華全面探索情慾之旅】Lady Parts Episode 4: VAGINA

族長今次睇咗一個全女班嘅《Lady Parts Episode 4: VAGINA》喜劇劇場,笑到反肚 (多得Elvie今次冇標尿 😂)!由 Katey Hoffman及 Cheyenne Mabberley 兩位年輕女生組成嘅 After Party Theatre 劇團走幽默路線,對女性議題好有興趣,好似今次《Lady Parts》系列共有4步曲:「Boobs」顧名思義談乳房談身體自主,「Brain」講女人喺生活/學校/職場中嘅性別定型,「Heart」討論愛情關係,今次「Vagina」笑談一切關於陰道的事。以雙乳做第一集吸睛非常聰明,帶去第二集講有腦女人唔易做,例如職場上同男人有咩唔同待遇,到第三集入肉地笑中帶淚,安撫顆顆傷了又開的心,俾族長睇到講 pussy 嘅第四集真係超開心!!

【溫哥華全面探索情慾之旅】Lady Parts Episode 4: VAGINA

由月經、性教育、自慰、護陰、性愛、生育到暴力關係、性侵、墮胎呢啲沉重議題,二人分飾好多角,以幕幕短劇去帶出擁有一條陰道嘅女人究竟一生人有咩苦樂要面對。族長超鍾意劇場諷刺啜核嘅風格,但我諗唔係人人都接受呢種暗黑類幽默,但正正就係劇團嘅最大特色。族長最難忘嘅有三幕:

🍑 Abortion Shower:OMG literally laugh die meeeeeee! 😂 大家去Baby Shower就去得多,又有冇去過 Abortion Shower呢?OMG seriously 笑到痴線,完全說中了對寶寶無感嘅女人出席 Baby Shower 嘅苦悶,小至帶出大眾對決定唔結婚生仔嘅女人有咩奇怪目光/既定期望,大至社會部份反對墮胎嘅聲音如何成為一種霸權,重點係手法輕鬆,完全靠觀眾自己領會而不 heavy。

其中有啲令人非常不安嘅環節,例如唔係 Baby Shower 咁受浸,而係笑談以vodka浸泡死胎嘅慶祝儀式。劇團話刻意製造一啲令人極度不安嘅場境,嬉笑怒罵談議題亦係劇團嘅方向。(投訴之都代表) 族長問,有冇收過觀眾投訴/批評呢?劇團表示真係冇喎,而且場場爆滿。呢種跨張演繹令觀眾產生不安,正正係想衝擊大家去反思同關注議題,世事唔止得黑白和一種絕對價值觀。

【溫哥華全面探索情慾之旅】Lady Parts Episode 4: VAGINA

🍑 How To Rape:一班無知妹豬圍埋,老師教佢哋認識自己嘅性器官,點樣用幾時用,包括我哋觀陰蒂BB!其中一個女同學問關於 “How To Rape” 呢一課書,老師答”噢這是男生限定的課”。😂 又一笑到痴線位!仲有諷刺禁慾式性教育,影響女仔對陰道同親密關係的睇法。

【溫哥華全面探索情慾之旅】Lady Parts Episode 4: VAGINA

🍑 Let It Grows:又一爆笑場面講體毛,有 sales 向女生介紹 N 種”陰毛髮型”,例如形容青春期嘅會剃得好淨,進入穩定關係嘅密到森林咁已經唔打理,女人一生究竟花幾多時間打理修陰?亦有反思吓我哋對身體做嘅改變是否都自願 (包括為男友留長頭髮嗰啲),唔係純粹為討好別人或迎合社會?

無論文字點形容都解唔到族人聽有幾好睇,長達兩小時多嘅演出盛惠加紙 $15,即係 HK$100 有找!真係抵睇到爛!場地 The Anza Club 係有酒吧嘅小型表演場地,附近亦有間聚集文化人嘅酒吧,可惜族長第朝要早起未能久留 😩,有機會一定要再去!

預告:族長捉住兩位劇團演員做咗個簡單專訪,佢哋超級nice亦好欣賞 Good moaning 族群嘅理念!密切留意短片,仲有機會得到劇團送俾族長嘅 Boobs/Brain/Heart/Vagina 四款超靚小襟章!

【溫哥華全面探索情慾之旅】Lady Parts Episode 4: VAGINA

再次多謝 Elvie 贊助族長去睇 show,嚟緊仲會報導現場睇按摩陰陰示範、談 #metoo 嘅小劇團製作等等,密切留意!😜

—————————————-
* Elvie fans page 妳最私密的個人教練以創新科技研發,由醫療級矽膠製成之「穿戴式運動追蹤器」內置獨有的力量與動力感測器,可準確偵測用家是否以正確的方式進行凱格爾運動,配合應用程式鼓勵女性定時鍛鍊骨盆底肌,有效減少鬆弛及泌尿科相關問題,保持陰道緊致更可改善性生活。應用程式的寶石會隨著妳收縮和放鬆移動,讓妳一目了然地確認每個鍛鍊動作。elvie 100%防水,耐用持久、便於攜帶、外型。
詳情:dm.elvie-asia.com (最近又有送禮活動,上去睇睇啦!😉)

https://afterpartytheatre.com

【溫哥華全面探索情慾之旅】Lady Parts Episode 4: VAGINA

你不需付出任何金錢,按 5 次拍手就能支持小族長大棒棒基金。如登記 LikeCoin ID 再拍手,基金收入將會更豐厚。